എല്‍ കപിറ്റാനോ – കാര്‍ലോസ് പുയോള്‍
“I came here as a boy and leave with a family” ബാഴ്സലോണയുടെ എക്കാലത്തെയും മികച്ച ഡിഫൻഡറും, ക്യാപ്ടനും ആയ പുയോളിന്റെ അരങ്ങേറ്റത്തിന് ഇന്ന് 18 വയസ്സ്. ബാഴ്സലോണക്കു വേണ്ടി 682 തവണ പുയോൾ കളത്തിൽ ഇറങ്ങി. നിരവധി ട്രോഫികൾ പുയോൾ ബാഴ്സക്കായി നേടി.
ഗോൾകീപ്പർ ആയിരുന്നു പുയോൾ . തോളിനു പറ്റിയ പരിക്ക് കാരണം , പിന്നീട് ഡിഫെൻസീവ് മിഡ്‌ഫീല്ടെർ ആയി. 1995 ഇൽ ,ബാഴ്സയുടെ LAMASIA ഇൽ എത്തിയ പുയോൾ 1996 ഇൽ ബാഴ്സ ബി- ടീമിൽ കളിച്ചു തുടങ്ങി. റൈറ്റ് ബാക്ക് ആയിട്ടാണ് ബാഴ്സയിൽ പുയോൾ കളിച്ചു തുടങ്ങിയത് .1998 ഇൽ മലാഗ FC ഇൽ നിന്നുള്ള ഓഫർ ബാഴ്സ സ്വീകരിച്ചു എങ്കിലും പുയോൾ ക്ലബ്‌ വിടാൻ തയ്യാർ ആയിരുന്നില്ല. എറ്റവും അടുത്ത ചങ്ങാതി ചാവിയെ പിരിയാൻ തയ്യാർ ആയിരുന്നില്ല പുയോൾ. അങ്ങനെ 1999 ഇൽ അന്നത്തെ കോച്ച് വാൻ ഗാൽ, പുയോളിന് അവസരം കൊടുത്തു. ഒക്ടോബർ 2 നു റയൽ വല്ലഡോലിഡ്‌ ആയിട്ടുള്ള മത്സരത്തിൽ പുയോൾ ആദ്യമായി ബാഴ്സ ജേർസി അണിഞ്ഞു.
2003-04 ഇൽ അന്നത്തെ ക്യാപ്ടൻ ലൂയിസ് എന്റിക്ക് സ്ഥാനം ഒഴിഞ്ഞതിനു പിന്നാലെ കാർലോസ് പുയോൾ എഫ്സി ബാർസലോണയുടെ ക്യാപ്ടൻ ആയി. പിന്നീട് അങ്ങോട്ട്‌ പുയോളിന്റെയും, ബാർസയുടെയും എറ്റവും നല്ല സമയം ആയിരുന്നു. 3 ചാമ്പ്യൻസ് ലീഗ് കീരീടവും, 6 ലിഗ കിരീടങ്ങളും, 2 ക്ലബ്‌ ലോകകപ്പുകളും പുയോൾ നേടി. 2000 ഇൽ സ്പാനിഷ്‌ ടീമിനായി അരങ്ങേറ്റം കുറിച്ച പുയോൾ 2 യുറോ കപ്പ്‌, 1 ലോകകപ്പ്‌ നേടിയ സ്പാനിഷ്‌ നിരയുടെ എറ്റവും വിശ്വസ്തനായ പടയാളി ആയിരുന്നു. പുയോളിന്റെ അഭാവത്തിൽ സ്പാനിഷ്‌ ടീം കഴിഞ്ഞ ലോകകപ്പിൽ ആദ്യ റൌണ്ടിൽ തന്നെ പുറത്തായി.
ബാഴ്സ നിരയിൽ ചാവി കഴിഞ്ഞാൽ എറ്റവും ജെന്റിൽമാൻ പുയോൾ ആയിരുന്നു. ബാഴ്സലോണയുടെ ഒരു മത്സരത്തിൽ പുയോളിനോട് എതിർ ടീം കളിക്കാരൻ മോശം ആയി പെരുമാറിയത് കണ്ടു പൊതുവെ ശാന്തൻ ആയ റൊണാൾഡീഞ്ഞ്യോ ക്ഷുഭിതൻ ആയി ഓടി വന്നെങ്കിലും പുയോൾ റൊണാൾഡീഞ്ഞ്യോയെ തടഞ്ഞു. ബെർണാബ്യൂവിൽ എൽ ക്ലാസിക്കോക്കിടെ മാഡ്രിഡ് കാണികൾ തനിക്കു നേരെ എറിഞ്ഞ ലൈറ്ററുമായി റഫറിയോട് പരാതി പറയാൻ തുടങ്ങിയ പിക്കെയെ തടഞ്ഞു ലൈറ്റർ വാങ്ങി ദൂരെ എറിഞ്ഞു കളിയില് ശ്രദ്ധിക്കാൻ പറഞ്ഞ പുയോളും ഓർമയിൽ ഉണ്ട്.
കാൻസറിനോട് പടവെട്ടി മൈതാനത്തു തിരികെ എത്തിയ ആബിദാലിനെ കാപ്റ്റൻസ് ആം ബാൻഡ് അണിയിച്ചു ചാമ്പ്യൻസ് ലീഗ് കിരീടം ഏറ്റുവാങ്ങുവാനുള്ള അവസരം നൽകുന്നത് ഇന്നും മനസ്സിനൊരു കുളിർമയേകും ഓർമയാണ്.
ഇപ്പോഴും ബാഴ്സ ആരാധകർ ഓരോ കളിയിലും ചില നേരങ്ങളിലെങ്കിലും പുയോൾ എന്ന പോരാളിയെ ബാഴ്സയുടെ പ്രതിരോധകൊട്ടയിൽ മിസ്സ്‌ ചെയ്യാതിരിക്കില്ല. അതാണ്‌ പുയോൾ ഒഴിച്ചിട്ടു പോയ ലെഗസി.
#el_capitano
#LEGEND
©Culesofkerala