15 വർഷത്തിൽ രണ്ടു ട്രെബിൾ അടക്കം 35 ട്രോഫികളാണ് പെപ് ജയിച്ചത്. ഫുട്ബോളിൽ എറ്റവും കൂടുതൽ ട്രോഫികൾ ജയിച്ച മാനേജർമാരുടെ കൂട്ടത്തിൽ പെപ് ഉണ്ട്‌. പക്ഷെ ആ നിരയിലുള്ള ഇതിഹാസങ്ങളായ എല്ലാ മാനേജർമാരും ഫുട്ബോളിനെ അതിന്റെ റിസൾട്ടിന്റെ അളവ് കൊണ്ടു അളക്കാൻ പഠിച്ചവർ ആയിരുന്നു. അവരുടെ ശൈലിയുടെ റോയൽറ്റി അവർ നേടിയ ട്രോഫികളായിരുന്നു. പെപ്പിന്റെ കാര്യത്തിൽ, എന്നാൽ ആ ട്രോഫികൾ പാടെ മാറ്റി നിർത്തിയാലും അയാൾക്ക് ശേഷവും അയാൾക്ക് മുൻപും എന്നൊരു കാലഘട്ടം ഫുട്ബോൾ സിദ്ധാന്തങ്ങളിൽ ഉണ്ടായി. ഫുട്ബോളിനെ കാല്പനികമായി അളക്കുന്നവർക്ക് അയാളൊരു അടയാളമായി. 35 ട്രോഫികൾ കൊണ്ടു മാത്രം അളക്കാവുന്നതല്ല അത്തരമൊരു ലെഗസി. കാല്പന്തിനെ കൂടുതൽ മനോകരമാക്കിയ ലോകം കണ്ട എക്കാലത്തെയും മികച്ച പരിശീലകനും മാനേജർക്കും തന്റെ രണ്ടാമത്തെ ട്രെബിൾ വിജയത്തിൽ അഭിനന്ദനങ്ങൾ!!